mahak uTTha yakayak regzar-e-dard-e-tanhai

mahak uTThā yakāyak regzār-e-dard-e-tanhā.ī

kise ai yād-e-jānāñ tū yahāñ tak DhūñDne aa.ī

baḌe dilchasp vā'de the baḌe rangīn dhoke the

guloñ kī aarzū meñ zindagī sho'le uThā laa.ī

batāo to añdheroñ kī fasīloñ se pare āḳhir

kahāñ tak qāfila guzrā kahāñ tak raushnī aa.ī

tumhāre baa'd jaise jāgtā hai shab kā sannāTā

dar o dīvār ko detā hai koī izn-e-goyā.ī

sunā hai sāya-e-ruḳhsār meñ kuchh der Thahrī thī

vahīñ se jagmagāte ḳhvāb le kar zindagī aa.ī

mahak uTTha yakayak regzar-e-dard-e-tanhai

kise ai yaad-e-jaanan tu yahan tak DhunDne aai

baDe dilchasp wa'de the baDe rangin dhoke the

gulon ki aarzu mein zindagi sho'le uTha lai

batao to andheron ki fasilon se pare aaKHir

kahan tak qafila guzra kahan tak raushni aai

tumhaare ba'd jaise jagta hai shab ka sannaTa

dar o diwar ko deta hai koi izn-e-goyai

suna hai saya-e-ruKHsar mein kuchh der Thahri thi

wahin se jagmagate KHwab le kar zindagi aai