mahbub sa andaz-e-bayan be-adabi hai
mahbūb sā andāz-e-bayāñ be-adabī hai
mansūr isī jurm meñ gardan-zadanī hai
ḳhud apne hī chehre kā ta.ayyun nahīñ hotā
hālāñki mirā kaam hī ā.īnā-garī hai
aane do abhī jubba o dastār pe patthar
kuchh kāba-nashīnoñ meñ abhī bū-lahbī hai
ḳhālī hī rahā dīda-e-pur-shauq kā dāman
andhoñ kī aqīdat meñ vasī-un-nazarī hai
har paañv se uljhā huuñ kaTī Dor ke mānind
'tāriq' mirī qismat kī patañg jab se kaTī hai
mahbub sa andaz-e-bayan be-adabi hai
mansur isi jurm mein gardan-zadani hai
KHud apne hi chehre ka tayyun nahin hota
haalanki mera kaam hi aaina-gari hai
aane do abhi jubba o dastar pe patthar
kuchh kaba-nashinon mein abhi bu-lahbi hai
KHali hi raha dida-e-pur-shauq ka daman
andhon ki aqidat mein wasi-un-nazari hai
har panw se uljha hun kaTi Dor ke manind
'tariq' meri qismat ki patang jab se kaTi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
