mahfil-ara the magar phir kam-numa hote gae

mahfil-ārā the magar phir kam-numā hote ga.e

dekhte hī dekhte ham kyā se kyā hote ga.e

nā-shanāsī dahr kī tanhā hameñ kartī ga.ī

hote hote ham zamāne se judā hote ga.e

muntazir jaise the dar shahr-e-firāq-āsār ke

ik zarā dastak huī dar dam meñ vā hote ga.e

harf pardā-posh the iz.hāre-e-dil ke baab meñ

harf jitne shahr meñ the harf-e-lā hote ga.e

vaqt kis tezī se guzrā roz-marra meñ 'munīr'

aaj kal hotā gayā aur din havā hote ga.e

mahfil-ara the magar phir kam-numa hote gae

dekhte hi dekhte hum kya se kya hote gae

na-shanasi dahr ki tanha hamein karti gai

hote hote hum zamane se juda hote gae

muntazir jaise the dar shahr-e-firaq-asar ke

ek zara dastak hui dar dam mein wa hote gae

harf parda-posh the izhaare-e-dil ke bab mein

harf jitne shahr mein the harf-e-la hote gae

waqt kis tezi se guzra roz-marra mein 'munir'

aaj kal hota gaya aur din hawa hote gae