mahfil-e-naz se main ho ke pareshan uTha

mahfil-e-nāz se maiñ ho ke pareshān uThā

baiThne bhī nahīñ paayā thā ki tūfān uThā

zid na kar ai dil-e-nāshād, kahā maan uThā

ghar meñ rahne kā Thikāna nahīñ sāmān uThā

ban ravādār ye apnoñ kī shikāyat kaisī

naam isī kā to muravvat hai ki nuqsān uThā

sab sitāre nahīñ is rāhguzar ke zarre

dil ke TukḌe bhī inhīñ meñ to haiñ pahchān, uThā

Thokareñ khā ke musībat kī samajh to aa.ī

aadmī ban to gayā, chauñk to insān uThā

maslahat vaqt kī aaj aur hai ai bāda-farosh

kal kī kal socheñge is vaqt to dukkān uThā

aise bohtān lagā.e ki ḳhudā yaad aayā

but ne ghabrā ke kahā mujh se ki qur.ān uThā

aaj hai kis liye aisā tirā andāz-e-hijāb

ajnabī kaun hai mahfil meñ pakaḌ kaan uThā

dekh ye baar kabhī sar se utartā hī nahīñ

zindagī bhar kī musībat hai na ehsān uThā

sher-goī na.e andāz kī tajdīd-e-ḳhayāl

dekhnā chāhe to 'nātiq' mirā dīvān uThā

mahfil-e-naz se main ho ke pareshan uTha

baiThne bhi nahin paya tha ki tufan uTha

zid na kar ai dil-e-nashad, kaha man uTha

ghar mein rahne ka Thikana nahin saman uTha

ban rawadar ye apnon ki shikayat kaisi

nam isi ka to murawwat hai ki nuqsan uTha

sab sitare nahin is rahguzar ke zarre

dil ke TukDe bhi inhin mein to hain pahchan, uTha

Thokaren kha ke musibat ki samajh to aai

aadmi ban to gaya, chaunk to insan uTha

maslahat waqt ki aaj aur hai ai baada-farosh

kal ki kal sochenge is waqt to dukkan uTha

aise bohtan lagae ki KHuda yaad aaya

but ne ghabra ke kaha mujh se ki quran uTha

aaj hai kis liye aisa tera andaz-e-hijab

ajnabi kaun hai mahfil mein pakaD kan uTha

dekh ye bar kabhi sar se utarta hi nahin

zindagi bhar ki musibat hai na ehsan uTha

sher-goi nae andaz ki tajdid-e-KHayal

dekhna chahe to 'natiq' mera diwan uTha