mahfil-e-zist mein dekhe hain andhere barson

mahfil-e-zīst meñ dekhe haiñ añdhere barsoñ

taare gin gin ke kiye ham ne savere barsoñ

ranj-o-ġham ishq-e-sanam tishna-labī nīm-shabī

dil-e-nāzuk ko ye hālāt the ghere barsoñ

kyoñ na ho ḳhauf-zada log nigahbānoñ se

lūTte aa.e haiñ sab ko ye luTere barsoñ

nām-e-ulfat hī se ab hotī hai dil ko vahshat

ham ko Dastī rahī ye shaam savere barsoñ

kūcha-e-yār meñ rusvā.ī ne rahne na diyā

dasht-o-sahrā meñ lagāte rahe phere barsoñ

pārsā.ī kā sabaq ham ko diyā thā jis ne

ġhair ke ghar meñ kiye us ne basere barsoñ

ūñche mahloñ meñ unheñ chain na aayā 'ayyūb'

chaar tinkoñ pe kiye ham ne basere barsoñ

mahfil-e-zist mein dekhe hain andhere barson

tare gin gin ke kiye hum ne sawere barson

ranj-o-gham ishq-e-sanam tishna-labi nim-shabi

dil-e-nazuk ko ye haalat the ghere barson

kyon na ho KHauf-zada log nigahbanon se

luTte aae hain sab ko ye luTere barson

nam-e-ulfat hi se ab hoti hai dil ko wahshat

hum ko Dasti rahi ye sham sawere barson

kucha-e-yar mein ruswai ne rahne na diya

dasht-o-sahra mein lagate rahe phere barson

parsai ka sabaq hum ko diya tha jis ne

ghair ke ghar mein kiye us ne basere barson

unche mahlon mein unhen chain na aaya 'ayyub'

chaar tinkon pe kiye hum ne basere barson