mahki shab aaina dekhe apne bistar se bahar
mahkī shab ā.īna dekhe apne bistar se bāhar
ḳhvāb kā aalam reza reza chashm-e-manzar se bāhar
hashr sadā hai parvāzoñ meñ ruuī ke gaale ūñche pahāḌ
āsmāñ ik shīshe kā TukḌā vaqt ke shahpar se bāhar
ḳhuun ugaltā jism shafaq sī phūlī āñkhoñ āñkhoñ meñ
qaus-e-quzah ke nāzuk baazū dast-e-ḳhanjar se bāhar
zehn-o-nazar meñ andar andar phūlte-phalte mausam-e-gul
ḳhushbū ḳhushbū lafz ke jaadū rañg lab-e-tar se bāhar
tashbīheñ pechīda kinā.e do-ālam ke razm-o-ilm
ġhaur se dekho kuchh bhī nahīñ us husn ke paikar se bāhar
mahki shab aaina dekhe apne bistar se bahar
KHwab ka aalam reza reza chashm-e-manzar se bahar
hashr sada hai parwazon mein rui ke gale unche pahaD
aasman ek shishe ka TukDa waqt ke shahpar se bahar
KHun ugalta jism shafaq si phuli aankhon aankhon mein
qaus-e-quzah ke nazuk bazu dast-e-KHanjar se bahar
zehn-o-nazar mein andar andar phulte-phalte mausam-e-gul
KHushbu KHushbu lafz ke jadu rang lab-e-tar se bahar
tashbihen pechida kinae do-alam ke razm-o-ilm
ghaur se dekho kuchh bhi nahin us husn ke paikar se bahar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
