mahram-e-ishq hain honTon ko siye baiThe hain

mahram-e-ishq haiñ hoñToñ ko siye baiThe haiñ

shīsha-e-dil meñ ka.ī daaġh liye baiThe haiñ

māh-o-anjum pe pahuñch kar bhī nahīñ ruktī nazar

ruḳh kisī aur hī manzil kā kiye baiThe haiñ

ab to kuchh aur hī aalam hai faroġh-e-ġham se

sūrat-e-jāñ tire har ġham ko liye baiThe haiñ

bhūltā hī nahīñ us nargis-e-shahlā kā karam

ek mai hai ki shab-o-roz piye baiThe haiñ

ek hī shakl hai sau rang se dil meñ ābād

ek hī aks ke sau aks liye baiThe haiñ

jab se chhoḌī hai tamannā-e-sukūñ ai 'az.har'

har kaThin raah ko hamvār kiye baiThe haiñ

mahram-e-ishq hain honTon ko siye baiThe hain

shisha-e-dil mein kai dagh liye baiThe hain

mah-o-anjum pe pahunch kar bhi nahin rukti nazar

ruKH kisi aur hi manzil ka kiye baiThe hain

ab to kuchh aur hi aalam hai farogh-e-gham se

surat-e-jaan tere har gham ko liye baiThe hain

bhulta hi nahin us nargis-e-shahla ka karam

ek mai hai ki shab-o-roz piye baiThe hain

ek hi shakl hai sau rang se dil mein aabaad

ek hi aks ke sau aks liye baiThe hain

jab se chhoDi hai tamanna-e-sukun ai 'azhar'

har kaThin rah ko hamwar kiye baiThe hain