mahram-e-raaz-e-haram hun waqif-e-but-KHana hun

mahram-e-rāz-e-haram huuñ vāqif-e-but-ḳhāna huuñ

maiñ rah-o-rasm-e-mohabbat kā magar dīvāna huuñ

maiñ na be-qīmat ḳhazaf huuñ aur na la.al-e-be-bahā

maiñ to arbāb-e-nazar ke zarf kā paimāna huuñ

merī rag rag meñ hai mauj-e-zindagī raqsāñ magar

ik lab-e-jāñ-baḳhsh ko tarsā huā paimāna huuñ

huuñ ba-zāhir naqsh kuchh bikhre hue alfāz kā

tum jo ai jān-e-jahāñ samjho to ik afsāna huuñ

merī pāmālī ke charche tum bhī sun loge kabhī

apne gulshan meñ huuñ lekin sabza-e-begāna huuñ

DhūñDne nikleñge mujh ko ek din ahl-e-vafā

dafn hai ganjīna-e-dil jis meñ vo vīrāna huuñ

mahram-e-raaz-e-haram hun waqif-e-but-KHana hun

main rah-o-rasm-e-mohabbat ka magar diwana hun

main na be-qimat KHazaf hun aur na lal-e-be-baha

main to arbab-e-nazar ke zarf ka paimana hun

meri rag rag mein hai mauj-e-zindagi raqsan magar

ek lab-e-jaan-baKHsh ko tarsa hua paimana hun

hun ba-zahir naqsh kuchh bikhre hue alfaz ka

tum jo ai jaan-e-jahan samjho to ek afsana hun

meri pamali ke charche tum bhi sun loge kabhi

apne gulshan mein hun lekin sabza-e-begana hun

DhunDne niklenge mujh ko ek din ahl-e-wafa

dafn hai ganjina-e-dil jis mein wo virana hun