mahshar ki is ghaDi mein hamara koi to ho

mahshar kī is ghaḌī meñ hamārā koī to ho

ai raat ai firāq ḳhudārā koī to ho

ye bad-duā nahīñ magar is dil kā ham-navā

koī to ho nasīb kā maarā koī to ho

tinkā hai āshiyāne kī kyā ḳhuub yādgār

achchhā hai Dūbte ko sahārā koī to ho

sarkār haath paañv to sab de ga.e javāb

is nā-murād dil kā bhī chārā koī to ho

kyā hijr kyā visāl vahī āshiqoñ kā haal

āḳhir qarār meñ bhī bechārā koī to ho

'rāhīl' ġham ke ba.ad ḳhushī bhī mile magar

is bahr-e-be-karāñ kā kinārā koī to ho

mahshar ki is ghaDi mein hamara koi to ho

ai raat ai firaq KHudara koi to ho

ye bad-dua nahin magar is dil ka ham-nawa

koi to ho nasib ka mara koi to ho

tinka hai aashiyane ki kya KHub yaadgar

achchha hai Dubte ko sahaara koi to ho

sarkar hath panw to sab de gae jawab

is na-murad dil ka bhi chaara koi to ho

kya hijr kya visal wahi aashiqon ka haal

aaKHir qarar mein bhi bechaara koi to ho

'rahil' gham ke baad KHushi bhi mile magar

is bahr-e-be-karan ka kinara koi to ho