mahw-e-takrar-e-sud-o-ziyan hain

mahv-e-takrār-e-sūd-o-ziyāñ haiñ

ik shajar kī ka.ī Tahniyāñ haiñ

sham.a shab-bhar jalā.ī bujhā.ī

farsh par jā-ba-jā tīliyāñ haiñ

chand tinkoñ kī apnī talab thī

ab chaman-dar-chaman bijliyāñ haiñ

khul rahe haiñ bharam chāhatoñ ke

qurbatoñ meñ sivā dūriyāñ haiñ

shab ke hāthoñ meñ ab tak 'munavvar'

dāman-e-sub.h kī dhajjiyāñ haiñ

mahw-e-takrar-e-sud-o-ziyan hain

ek shajar ki kai Tahniyan hain

shama shab-bhar jalai bujhai

farsh par ja-ba-ja tiliyan hain

chand tinkon ki apni talab thi

ab chaman-dar-chaman bijliyan hain

khul rahe hain bharam chahaton ke

qurbaton mein siwa duriyan hain

shab ke hathon mein ab tak 'munawwar'

daman-e-subh ki dhajjiyan hain