mahw-e-zari to rakha dil ki lagi ne shab-bhar

mahv-e-zārī to rakhā dil kī lagī ne shab-bhar

lekin aañsū bhī jo poñchhe to usī ne shab-bhar

ye mire dil kī chamak hai ki tirī aañkh kā nuur

zehn meñ nāchte rahte haiñ nagīne shab-bhar

rūheñ dam-sāz haiñ to jism bhī hamrāz baneñ

yuuñ to taḌpeñge ye jalte hue siine shab-bhar

ajnabī jaan ke Darte rahe sab darvāze

merī āvāz na pahchānī kisī ne shab-bhar

dil ke betāb samundar meñ tamannā ban kar

Dūbte tairte rahte haiñ safīne shab-bhar

us ke bām-falak-āsār kī tasvīr meñ gum

merī taḳh.īl banātī rahī ziine shab-bhar

jahāñ bedāriyāñ baiThī haiñ muhāfiz ban kar

ham ne ḳhvāboñ meñ nikāle vo dafīne shab-bhar

aañkh uThā kar bhī nahīñ dekhtā ab din meñ jise

kitnā bechain rakhā mujh ko usī ne shab-bhar

sher hī kahiye ki shāyad mile taskīn 'anjum'

yuuñ to ye chāñdnī degī nahīñ jiine shab-bhar

mahw-e-zari to rakha dil ki lagi ne shab-bhar

lekin aansu bhi jo ponchhe to usi ne shab-bhar

ye mere dil ki chamak hai ki teri aankh ka nur

zehn mein nachte rahte hain nagine shab-bhar

ruhen dam-saz hain to jism bhi hamraaz banen

yun to taDpenge ye jalte hue sine shab-bhar

ajnabi jaan ke Darte rahe sab darwaze

meri aawaz na pahchani kisi ne shab-bhar

dil ke betab samundar mein tamanna ban kar

Dubte tairte rahte hain safine shab-bhar

us ke baam-falak-asar ki taswir mein gum

meri taKHil banati rahi zine shab-bhar

jahan bedariyan baiThi hain muhafiz ban kar

hum ne KHwabon mein nikale wo dafine shab-bhar

aankh uTha kar bhi nahin dekhta ab din mein jise

kitna bechain rakha mujh ko usi ne shab-bhar

sher hi kahiye ki shayad mile taskin 'anjum'

yun to ye chandni degi nahin jine shab-bhar