main aks-gar-e-jalwa-e-jaanana bana hun

maiñ aks-gar-e-jalva-e-jānāna banā huuñ

ḳhush huuñ ki mohabbat kā jilau-ḳhāna banā huuñ

dil-soz nahīñ ahl-e-chaman ātish-e-gul se

ai bād-e-sabā maiñ yūñhī dīvāna banā huuñ

maḳhfī koī dīvār hai shāyad mire andar

maiñ apnoñ meñ rahte hue begāna banā huuñ

raushan harm-e-jāñ meñ hai ik sham-e-tamannā

dil pahle jalāyā hai to parvāna banā huuñ

lāzim thā ki duniyā ko har ik rañg meñ dekhūñ

dīvāna banā huuñ kabhī farzāna banā huuñ

kyuuñ merā nasheman hai samundar kī tahoñ meñ

aisā to nahīñ hai ki maiñ dariyā na banā huuñ

shohrat mirī raahe thī jahāñ dīda-varī kī

is kār-gah-e-shauq meñ afsāna banā huuñ

main aks-gar-e-jalwa-e-jaanana bana hun

KHush hun ki mohabbat ka jilau-KHana bana hun

dil-soz nahin ahl-e-chaman aatish-e-gul se

ai baad-e-saba main yunhi diwana bana hun

maKHfi koi diwar hai shayad mere andar

main apnon mein rahte hue begana bana hun

raushan harm-e-jaan mein hai ek sham-e-tamanna

dil pahle jalaya hai to parwana bana hun

lazim tha ki duniya ko har ek rang mein dekhun

diwana bana hun kabhi farzana bana hun

kyun mera nasheman hai samundar ki tahon mein

aisa to nahin hai ki main dariya na bana hun

shohrat meri rahe thi jahan dida-wari ki

is kar-gah-e-shauq mein afsana bana hun