main apne jism mein kuchh is tarah se bikhra hun

maiñ apne jism meñ kuchh is tarah se bikhrā huuñ

ki ye bhī kah nahīñ saktā maiñ kaun huuñ kyā huuñ

unheñ ḳhushī hai isī baat se ki zinda huuñ

maiñ un kī daa.eñ hathelī kī ek rekhā huuñ

maiñ pī gayā huuñ ka.ī āñsuoñ ke sail-e-ravāñ

maiñ apne dil ko samundar banā.e baiThā huuñ

vo mere dost jo ek ek kar ke duur hue

maiñ un ko aaj bhī apne qarīb paatā huuñ

muhīt karne kī koshish fuzūl hai mujh ko

nadī kā chhor nahīñ huuñ maiñ bahtā dariyā huuñ

mujhī pe pheñke hai patthar jo koī aatā hai

ki jaise maiñ tirī khiḌkī kā koī shīsha huuñ

main apne jism mein kuchh is tarah se bikhra hun

ki ye bhi kah nahin sakta main kaun hun kya hun

unhen KHushi hai isi baat se ki zinda hun

main un ki daen hatheli ki ek rekha hun

main pi gaya hun kai aansuon ke sail-e-rawan

main apne dil ko samundar banae baiTha hun

wo mere dost jo ek ek kar ke dur hue

main un ko aaj bhi apne qarib pata hun

muhit karne ki koshish fuzul hai mujh ko

nadi ka chhor nahin hun main bahta dariya hun

mujhi pe phenke hai patthar jo koi aata hai

ki jaise main teri khiDki ka koi shisha hun