main bhi aage baDhun aur bhiD ka hissa ho jaun
maiñ bhī aage baḌhūñ aur bhiiḌ kā hissa ho jā.ūñ
is se achchhā to yahī hai ki maiñ tanhā ho jā.ūñ
pyaas ko merī jo ik jaam na de paayā kabhī
tishnagī us kī ye kahtī hai maiñ dariyā ho jā.ūñ
mujh ko jakḌe hue rishtoñ kī haqīqat mat pūchh
bas chale merā agar to maiñ akelā ho jā.ūñ
le ke jā.ūñ kahāñ ehsās-e-vafādārī ko
dil to kahtā hai ki maiñ bhī tire jaisā ho jā.ūñ
ho kisī taur to duniyā kī tavajjoh mujh par
ek do pal ke liye maiñ bhī tamāshā ho jā.ūñ
dil kī majbūrī ajab chiiz hai varna 'jāved'
kaun chāhegā bhalā ḳhud ki maiñ rusvā ho jā.ūñ
main bhi aage baDhun aur bhiD ka hissa ho jaun
is se achchha to yahi hai ki main tanha ho jaun
pyas ko meri jo ek jam na de paya kabhi
tishnagi us ki ye kahti hai main dariya ho jaun
mujh ko jakDe hue rishton ki haqiqat mat puchh
bas chale mera agar to main akela ho jaun
le ke jaun kahan ehsas-e-wafadari ko
dil to kahta hai ki main bhi tere jaisa ho jaun
ho kisi taur to duniya ki tawajjoh mujh par
ek do pal ke liye main bhi tamasha ho jaun
dil ki majburi ajab chiz hai warna 'jawed'
kaun chahega bhala KHud ki main ruswa ho jaun
- Book : Khwab Aasmano ke (Pg. 84)
- Author : Javed Nasimi
- Publication : Educational Publishing House (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
