main bhi aawara hun tere sat aawara hawa
maiñ bhī āvāra huuñ tere saat āvāra havā
lā tū mere haath meñ de haat āvāra havā
jañgalī phūloñ kī ḳhushbū raqs sarshārī shabāb
nazr kar mujh ko bhī kuchh sauġhāt āvāra huā
ek sarshārī hai jism o ruuh par chhā.ī huī
reza reza āsmāñ barsāt āvāra havā
us ḳharābe meñ bhī ik jannat banā lī hai jahāñ
ek maiñ huuñ ik ḳhudā kī zaat āvāra havā
yaad aatā hai kapāsī bādaloñ kā sā.ebāñ
jagmagāte manzaroñ kī raat āvāra havā
be-panāhī zehn kī qindīl-e-dānish bhī siyāh
rū-ba-rū hadd-e-nazar zulmāt āvāra havā
dil ke darvāze se lag kar chup khaḌā rahtā hai ġham
kis se kahiye apne jī kī baat āvāra havā
sar-kashī zinda rahe lekin 'mujībī' soch le
ek musht-e-ḳhāk kī auqāt āvāra havā
main bhi aawara hun tere sat aawara hawa
la tu mere hath mein de hat aawara hawa
jangali phulon ki KHushbu raqs sarshaari shabab
nazr kar mujh ko bhi kuchh saughat aawara hua
ek sarshaari hai jism o ruh par chhai hui
reza reza aasman barsat aawara hawa
us KHarabe mein bhi ek jannat bana li hai jahan
ek main hun ek KHuda ki zat aawara hawa
yaad aata hai kapasi baadalon ka saeban
jagmagate manzaron ki raat aawara hawa
be-panahi zehn ki qindil-e-danish bhi siyah
ru-ba-ru hadd-e-nazar zulmat aawara hawa
dil ke darwaze se lag kar chup khaDa rahta hai gham
kis se kahiye apne ji ki baat aawara hawa
sar-kashi zinda rahe lekin 'mujibi' soch le
ek musht-e-KHak ki auqat aawara hawa
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
