main bura hi sahi bhala na sahi

maiñ burā hī sahī bhalā na sahī

par tirī kaun sī jafā na sahī

dard-e-dil ham to un se kah guzre

gar unhoñ ne nahīñ sunā na sahī

shab-e-ġham meñ balā se shaġhl to hai

nāla-e-dil mirā rasā na sahī

dil bhī apnā nahīñ rahā na rahe

ye bhī ai charḳh-e-fitna-zā na sahī

dekh to leñge vo agar aa.e

tāqat-e-arz-e-mudda.ā na sahī

kuchh to āshiq se chheḌ-chhāḌ rahī

kaj-adā.ī sahī adā na sahī

kyuuñ burā mānte ho shikva mirā

chalo bejā sahī ba-jā na sahī

uqda-e-dil hamārā yā qismat

na khulā tujh se ai sabā na sahī

vā.izo banda-e-ḳhudā to hai 'aish'

ham ne maanā vo pārsā na sahī

main bura hi sahi bhala na sahi

par teri kaun si jafa na sahi

dard-e-dil hum to un se kah guzre

gar unhon ne nahin suna na sahi

shab-e-gham mein bala se shaghl to hai

nala-e-dil mera rasa na sahi

dil bhi apna nahin raha na rahe

ye bhi ai charKH-e-fitna-za na sahi

dekh to lenge wo agar aae

taqat-e-arz-e-muddaa na sahi

kuchh to aashiq se chheD-chhaD rahi

kaj-adai sahi ada na sahi

kyun bura mante ho shikwa mera

chalo beja sahi ba-ja na sahi

uqda-e-dil hamara ya qismat

na khula tujh se ai saba na sahi

waizo banda-e-KHuda to hai 'aish'

hum ne mana wo parsa na sahi