main chup khaDa tha talluq mein iKHtisar jo tha
main chup khaDa tha talluq mein iKHtisar jo tha
Rajinder Manchanda Bani
MORE BYRajinder Manchanda Bani
maiñ chup khaḌā thā ta.alluq meñ iḳhtisār jo thā
usī ne baat banā.ī vo hoshiyār jo thā
paTaḳh diyā kisī jhoñke ne lā ke manzil par
havā ke sar pe koī der se savār jo thā
mohabbateñ na rahīñ us ke dil meñ mere liye
magar vo miltā thā hañs kar ki vaz.a-dār jo thā
ajab ġhurūr meñ aa kar baras paḌā bādal
ki phailtā huā chāroñ taraf ġhubār jo thā
qadam qadam ram-e-pāmāl se maiñ tañg aa kar
tire hī sāmne aayā tirā shikār jo thā
main chup khaDa tha talluq mein iKHtisar jo tha
usi ne baat banai wo hoshiyar jo tha
paTaKH diya kisi jhonke ne la ke manzil par
hawa ke sar pe koi der se sawar jo tha
mohabbaten na rahin us ke dil mein mere liye
magar wo milta tha hans kar ki waza-dar jo tha
ajab ghurur mein aa kar baras paDa baadal
ki phailta hua chaaron taraf ghubar jo tha
qadam qadam ram-e-pamal se main tang aa kar
tere hi samne aaya tera shikar jo tha
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
