main faizyab-e-gardish-e-saghar nahin hua

maiñ faizyāb-e-gardish-e-sāġhar nahīñ huā

kyuuñ ai nigāh-e-dost ye kyūñ-kar nahīñ huā

har ashk-e-ḳhūñ meñ gauhar-e-yaktā kī aab ho

vo ishq kyā jo husn kā zevar nahīñ huā

kyūñkar luTā.ī dil kī ye maiñ ne mohabbateñ

kuchh ġham nahīñ jo koī shanāvar nahīñ huā

baazī hamesha dil hī mohabbat meñ le gayā

ik ma.arka bhī tum se koī sar nahīñ huā

ik gardish-e-mudām ne ghere rakhā mujhe

ik lamha-e-sukūñ bhī mayassar nahīñ huā

kaifiyyat-e-hayāt se vāqif nahīñ hai vo

jis ko niyāz-e-ishq mayassar nahīñ huā

ye raaz apnī mast nigāhoñ se pūchh lo

kyuuñ dil rahīn-e-minnat-e-sāġhar nahīñ huā

fitrat hī ḳhud azal se hai sar-gufta-e-vafā

ai ḳhizr koī ishq kā rahbar nahīñ huā

'fā.iq' tamām raat ḳharāb-e-fuġhāñ rahā

lekin asar zarā bhī kisī par nahīñ huā

main faizyab-e-gardish-e-saghar nahin hua

kyun ai nigah-e-dost ye kyun-kar nahin hua

har ashk-e-KHun mein gauhar-e-yakta ki aab ho

wo ishq kya jo husn ka zewar nahin hua

kyunkar luTai dil ki ye main ne mohabbaten

kuchh gham nahin jo koi shanawar nahin hua

bazi hamesha dil hi mohabbat mein le gaya

ek marka bhi tum se koi sar nahin hua

ek gardish-e-mudam ne ghere rakha mujhe

ek lamha-e-sukun bhi mayassar nahin hua

kaifiyyat-e-hayat se waqif nahin hai wo

jis ko niyaz-e-ishq mayassar nahin hua

ye raaz apni mast nigahon se puchh lo

kyun dil rahin-e-minnat-e-saghar nahin hua

fitrat hi KHud azal se hai sar-gufta-e-wafa

ai KHizr koi ishq ka rahbar nahin hua

'faiq' tamam raat KHarab-e-fughan raha

lekin asar zara bhi kisi par nahin hua