main ghazal hun mujhe jab aap suna karte hain
maiñ ġhazal huuñ mujhe jab aap sunā karte haiñ
chand lamhe mirā ġham baañT liyā karte haiñ
jab vafā karte haiñ ham sirf vafā karte haiñ
aur jafā karte haiñ jab sirf jafā karte haiñ
log chāhat kī kitāboñ meñ chhupā kar chehre
sirf jismoñ kī hī tahrīr paḌhā karte haiñ
log nafrat kī fazāoñ meñ bhī jī lete haiñ
ham mohabbat kī havā se bhī Darā karte haiñ
apne bachchoñ ke liye laakh ġharībī ho magar
maañ ke pallū meñ ka.ī sikke milā karte haiñ
jo kabhī ḳhush na hue dekh ke shohrat merī
mere apne haiñ mujhe pyaar kiyā karte haiñ
jin ke jazbāt huuñ nuqsān naf.a kī zad meñ
un ke dil meñ ka.ī bāzār sajā karte haiñ
fikr-o-ehsās pe parda hai 'hayā' kā varna
ham ġhalat baat na sunte na kahā karte haiñ
main ghazal hun mujhe jab aap suna karte hain
chand lamhe mera gham banT liya karte hain
jab wafa karte hain hum sirf wafa karte hain
aur jafa karte hain jab sirf jafa karte hain
log chahat ki kitabon mein chhupa kar chehre
sirf jismon ki hi tahrir paDha karte hain
log nafrat ki fazaon mein bhi ji lete hain
hum mohabbat ki hawa se bhi Dara karte hain
apne bachchon ke liye lakh gharibi ho magar
man ke pallu mein kai sikke mila karte hain
jo kabhi KHush na hue dekh ke shohrat meri
mere apne hain mujhe pyar kiya karte hain
jin ke jazbaat hun nuqsan nafa ki zad mein
un ke dil mein kai bazar saja karte hain
fikr-o-ehsas pe parda hai 'haya' ka warna
hum ghalat baat na sunte na kaha karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
