Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main guftugu hun ki tahrir ke jahan mein hun

Adeem Hashmi

main guftugu hun ki tahrir ke jahan mein hun

Adeem Hashmi

maiñ guftugū huuñ ki tahrīr ke jahān meñ huuñ

mujhe samajh to sahī maiñ tirī zabān meñ huuñ

ḳhud apnī saañs ki ruktī hai apne chalne se

ye kyā ghuTan hai maiñ kis tañg se makān meñ huuñ

jilā rahā hai mare jism ko mirā kamāl

maiñ ek tiir huuñ TuuTī huī kamān meñ huuñ

guzar rahī hai mare sar se gāhakoñ nigāh

zarā chiiz huuñ lekin baḌī dukān meñ huuñ

mire qarīb se guzrā nahīñ hai sañg-tarāsh

mujassama huuñ maiñ ab tak magar chaTān meñ huuñ

mujhī meñ guuñj rahī hai mire suḳhan sadā

navā-e-garm huuñ maiñ dasht-e-be-zabān meñ huuñ

'adīm' baiThā huā huuñ paroñ ke Dher pe maiñ

ḳhush is tarah huuñ ki jaise kisī uḌaan meñ huuñ

main guftugu hun ki tahrir ke jahan mein hun

mujhe samajh to sahi main teri zaban mein hun

KHud apni sans ki rukti hai apne chalne se

ye kya ghuTan hai main kis tang se makan mein hun

jila raha hai mare jism ko mera hi kamal

main ek tir hun TuTi hui kaman mein hun

guzar rahi hai mare sar se gahakon ki nigah

zara si chiz hun lekin baDi dukan mein hun

mere qarib se guzra nahin hai sang-tarash

mujassama hun main ab tak magar chaTan mein hun

mujhi mein gunj rahi hai mere suKHan ki sada

nawa-e-garm hun main dasht-e-be-zaban mein hun

'adim' baiTha hua hun paron ke Dher pe main

KHush is tarah hun ki jaise kisi uDan mein hun

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now