main hun to koi batlae ki han hun

maiñ huuñ to koī batlā.e ki haañ huuñ

sadā to de ki jānūñ maiñ kahāñ huuñ

yahī hai farq mujh meñ aur us meñ

yaqīñ hai vo to maiñ bas ik gumāñ huuñ

zamīñ se āsmāñ tak shor kaisā

to kyā sab ke liye bār-e-garāñ huuñ

baham us ko fazā-e-āsmānī

maiñ goyā band kamre meñ dhuāñ huuñ

maiñ phūTī us kī paslī se to TeḌhī

vo sīdhā tiir jaisā maiñ kamāñ huuñ

ḳhayāl-o-ḳhvāb hai vo āb-e-dariyā

tire sahrāoñ meñ reg-e-ravāñ huuñ

kabhī ilzām lagtā hai ye honā

na ho kar bhī to maiñ tohmat ba-jāñ huuñ

dalīleñ Dher saarī tū zamīñ hai

ba-zid is par ki terā āsmāñ huuñ

ye duniyā-dār bachche jānte haiñ

mire qadmoñ meñ jannat hai ki maañ huuñ

main hun to koi batlae ki han hun

sada to de ki jaanun main kahan hun

yahi hai farq mujh mein aur us mein

yaqin hai wo to main bas ek guman hun

zamin se aasman tak shor kaisa

to kya sab ke liye bar-e-garan hun

baham us ko faza-e-asmani

main goya band kamre mein dhuan hun

main phuTi us ki pasli se to TeDhi

wo sidha tir jaisa main kaman hun

KHayal-o-KHwab hai wo aab-e-dariya

tere sahraon mein reg-e-rawan hun

kabhi ilzam lagta hai ye hona

na ho kar bhi to main tohmat ba-jaan hun

dalilen Dher sari tu zamin hai

ba-zid is par ki tera aasman hun

ye duniya-dar bachche jaante hain

mere qadmon mein jannat hai ki man hun