main jab bhi tere shahr-e-KHush-asar se nikla
maiñ jab bhī tire shahr-e-ḳhush-āsār se niklā
ik qabr kā TukḌā bhī falak-zār se niklā
har vaar meñ muzmar tirī hikmat hai sipāhī
har jiit kā muzhda tirī talvār se niklā
phir apnī hī haibat meñ giraftār huā maiñ
phir koī dariñda mire pindār se niklā
ye kis ne safīne ko nikālā hai bhañvar se
ye kaun shanāvar hai jo mañjdhār se niklā
kuchh bhī na milā mere ḳharīdār ko mujh meñ
is kā bhī patā chashm-e-ḳharīdār se niklā
ye kaun hai jo ban ke kiran naach rahā hai
ye kaun hai jo rauzan-e-dīvār se niklā
us samt nazar aa.e ġhazālān-e-qabā-posh
is samt 'ziyā' aql ke āzār se niklā
main jab bhi tere shahr-e-KHush-asar se nikla
ek qabr ka TukDa bhi falak-zar se nikla
har war mein muzmar teri hikmat hai sipahi
har jit ka muzhda teri talwar se nikla
phir apni hi haibat mein giraftar hua main
phir koi darinda mere pindar se nikla
ye kis ne safine ko nikala hai bhanwar se
ye kaun shanawar hai jo manjdhaar se nikla
kuchh bhi na mila mere KHaridar ko mujh mein
is ka bhi pata chashm-e-KHaridar se nikla
ye kaun hai jo ban ke kiran nach raha hai
ye kaun hai jo rauzan-e-diwar se nikla
us samt nazar aae ghazalan-e-qaba-posh
is samt 'ziya' aql ke aazar se nikla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
