main jal gaya tha jise rasta dikhate hue

maiñ jal gayā thā jise rāsta dikhāte hue

use taras nahīñ aayā mujhe bujhāte hue

tire visāl se behtar to hijr hotā hai

tire qarīb maiñ aatā huuñ duur jaate hue

na-jāne kaun se kūza-garoñ ke haath lagā

bahut udheḌā gayā hai mujhe banāte hue

mahak badan se abhī tak nahīñ ga.ī us kī

vo jis ne ḳhushbū bikherī gale lagāte hue

ajiib tarah kī vahshat hai mere chāroñ taraf

ki ab to ḳhvāb bhī Darte haiñ mujh tak aate hue

mujh aise shaḳhs ko zaa.e.a kiyā gayā 'farhat'

bhulā dī jaise koī shai kahīñ chhupāte hue

main jal gaya tha jise rasta dikhate hue

use taras nahin aaya mujhe bujhate hue

tere visal se behtar to hijr hota hai

tere qarib main aata hun dur jate hue

na-jaane kaun se kuza-garon ke hath laga

bahut udheDa gaya hai mujhe banate hue

mahak badan se abhi tak nahin gai us ki

wo jis ne KHushbu bikheri gale lagate hue

ajib tarah ki wahshat hai mere chaaron taraf

ki ab to KHwab bhi Darte hain mujh tak aate hue

mujh aise shaKHs ko zaea kiya gaya 'farhat'

bhula di jaise koi shai kahin chhupate hue