main jo mar jaun ajab aalam rahe

maiñ jo mar jā.ūñ ajab aalam rahe

ġham ko bhī marne kā mere ġham rahe

ārzū-e-vasl meñ kyā dam rahe

ḳhūn-e-dil aa kar laboñ par jam rahe

chūḌiyoñ kī haa.e vo dilkash sadā

hashr tak yārab mirā mātam rahe

be-ḳhudī hai ḳhud-farāmoshī nahīñ

ham nahīñ haiñ aap meñ gar ham rahe

jab kisī kī be-kasī yaad aa ga.ī

qatl meñ dast-e-sitam-gar tham rahe

sāmne se haT na o ā.īna-rū

jab tak in āñkhoñ meñ kuchh kuchh dam rahe

uf na kar 'safdar' tah-e-teġh-e-sitam

gardan-e-taslīm vaañ bhī ḳham rahe

main jo mar jaun ajab aalam rahe

gham ko bhi marne ka mere gham rahe

aarzu-e-wasl mein kya dam rahe

KHun-e-dil aa kar labon par jam rahe

chuDiyon ki hae wo dilkash sada

hashr tak yarab mera matam rahe

be-KHudi hai KHud-faramoshi nahin

hum nahin hain aap mein gar hum rahe

jab kisi ki be-kasi yaad aa gai

qatl mein dast-e-sitam-gar tham rahe

samne se haT na o aaina-ru

jab tak in aankhon mein kuchh kuchh dam rahe

uf na kar 'safdar' tah-e-tegh-e-sitam

gardan-e-taslim wan bhi KHam rahe