main jo ye aashiyan banata hun

maiñ jo ye āshiyāñ banātā huuñ

barq ko mehamāñ banātā huuñ

ishq kī sharh aaj tak na huī

roz ik dāstāñ banātā huuñ

koī markaz to ho balāoñ kā

is liye āshiyāñ banātā huuñ

tā vo ho be-ḳhudī meñ jalva-numā

lā-makāñ ko makāñ banātā huuñ

mashq-e-sher-o-suḳhan se maiñ 'nātiq'

un ke qābil zabāñ banātā huuñ

main jo ye aashiyan banata hun

barq ko mehaman banata hun

ishq ki sharh aaj tak na hui

roz ek dastan banata hun

koi markaz to ho balaon ka

is liye aashiyan banata hun

ta wo ho be-KHudi mein jalwa-numa

la-makan ko makan banata hun

mashq-e-sher-o-suKHan se main 'natiq'

un ke qabil zaban banata hun