main kaha bolna shab ghair se tha tumko kya

maiñ kahā bolnā shab ġhair se thā tum ko kyā

muskurā kahne lagā shauq mirā tum ko kyā

jo kahā maiñ ki bure taur nikāle tum ne

pher kar muñh ko lagā kahne bhalā tum ko kyā

shikva us but ke jafā kā jo kiyā maiñ to kahā

tum to duniyā meñ ho ik ahl-e-vafā tum ko kyā

dard-e-sar dushmanoñ ke un ke huā raat so maiñ

juuñ hī ghabrā ke ye pūchhā to kahā tum ko kyā

taan kar muñh pe dupaTTa ba-dam-e-sard kahā

tum lage pūchhne kyuuñ haal mirā tum ko kyā

har ghaḌī tum jo malāmat mujhe karte ho 'havas'

aap maiñ dām-e-mohabbat meñ phañsā tum ko kyā

main kaha bolna shab ghair se tha tum ko kya

muskura kahne laga shauq mera tum ko kya

jo kaha main ki bure taur nikale tum ne

pher kar munh ko laga kahne bhala tum ko kya

shikwa us but ke jafa ka jo kiya main to kaha

tum to duniya mein ho ek ahl-e-wafa tum ko kya

dard-e-sar dushmanon ke un ke hua raat so main

jun hi ghabra ke ye puchha to kaha tum ko kya

tan kar munh pe dupaTTa ba-dam-e-sard kaha

tum lage puchhne kyun haal mera tum ko kya

har ghaDi tum jo malamat mujhe karte ho 'hawas'

aap main dam-e-mohabbat mein phansa tum ko kya