main kaise jiyun gar ye duniya har aan nai taswir na ho
main kaise jiyun gar ye duniya har aan nai taswir na ho
Obaidullah Aleem
MORE BYObaidullah Aleem
maiñ kaise jiyūñ gar ye duniyā har aan na.ī tasvīr na ho
ye aate jaate rañg na hoñ aur lafzoñ kī tanvīr na ho
ai rāh-e-ishq ke raahī sun chal aise safar kī lazzat meñ
tirī āñkhoñ meñ na.e ḳhvāb to hoñ par ḳhvāboñ kī ta.abīr na ho
ghar aa.uuñ yā bāhar jā.ūñ har ek fazā meñ mere liye
ik jhūTī sachchī chāhat ho rasmoñ kī koī zanjīr na ho
jaise ye mirī apnī sūrat mire sāmne ho aur kahtī ho
mire shā.er tere saath huuñ maiñ māyūs na ho dil-gīr na ho
koī ho to mohabbat aisī ho mujhe dhuup aur saa.e meñ jis ke
kisī jazbe kā āzār na ho kisī ḳhvāhish kī ta.azīr na ho
main kaise jiyun gar ye duniya har aan nai taswir na ho
ye aate jate rang na hon aur lafzon ki tanwir na ho
ai rah-e-ishq ke rahi sun chal aise safar ki lazzat mein
teri aankhon mein nae KHwab to hon par KHwabon ki tabir na ho
ghar aaun ya bahar jaun har ek faza mein mere liye
ek jhuTi sachchi chahat ho rasmon ki koi zanjir na ho
jaise ye meri apni surat mere samne ho aur kahti ho
mere shaer tere sath hun main mayus na ho dil-gir na ho
koi ho to mohabbat aisi ho mujhe dhup aur sae mein jis ke
kisi jazbe ka aazar na ho kisi KHwahish ki tazir na ho
- Book : Veeran sarai ka diya (Pg. 53)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
