main kar na paya zabt zi-bas chiKHta raha

maiñ kar na paayā zabt zi-bas chīḳhtā rahā

jab aa.ī mujh ko yaad qafas chīḳhtā rahā

āzādiyoñ kā charchā sar-e-āsmān thā

aur ek panchhī zer-e-qafas chīḳhtā rahā

qatra bhī tere hoñToñ se mujh ko nahīñ milā

maiñ pyaas pyaas pyaas hī bas chīḳhtā rahā

hai umr merī biis baras aur us meñ se

lag-bhag maiñ bārah terah baras chīḳhtā rahā

dahshat meñ paḌ gayā malak-ul-maut dekh kar

phir us ne kaaTī tār-e-nafas chīḳhtā rahā

faisal jo paak saaf the āzād ho ga.e

maiñ thā asīr-e-hirs-o-havas chīḳhtā rahā

main kar na paya zabt zi-bas chiKHta raha

jab aai mujh ko yaad qafas chiKHta raha

aazadiyon ka charcha sar-e-asman tha

aur ek panchhi zer-e-qafas chiKHta raha

qatra bhi tere honTon se mujh ko nahin mila

main pyas pyas pyas hi bas chiKHta raha

hai umr meri bis baras aur us mein se

lag-bhag main barah terah baras chiKHta raha

dahshat mein paD gaya malak-ul-maut dekh kar

phir us ne kaTi tar-e-nafas chiKHta raha

faisal jo pak saf the aazad ho gae

main tha asir-e-hirs-o-hawas chiKHta raha