main kewal ab KHud se rishta rakkhunga

maiñ keval ab ḳhud se rishta rakkhūñgā

ya.anī maiñ ab ḳhud ko tanhā rakkhūñgā

duniyā se har raaz chhupāne ke ḳhātir

maiñ apnā chehra an-jānā rakkhūñgā

manDī meñ ġham kā maiñ hī saudāgar huuñ

is ḳhātir maiñ daam ziyāda rakkhūñgā

terī sūrat terī chāhat yādeñ sab

chhoTe se is dil meñ kyā kyā rakkhūñgā

va.ada hai tujh se maiñ terī yādoñ ko

mahshar kī ghaḌiyoñ tak zinda rakkhūñgā

ek nazar tum dikh jaao is chāhat meñ

kab tak un āñkhoñ ko pyāsā rakkhūñgā

'mīt' yahāñ jo sapne saare bikhre haiñ

soch rahā huuñ in ko bikhrā rakkhūñgā

main kewal ab KHud se rishta rakkhunga

yani main ab KHud ko tanha rakkhunga

duniya se har raaz chhupane ke KHatir

main apna chehra an-jaana rakkhunga

manDi mein gham ka main hi saudagar hun

is KHatir main dam ziyaada rakkhunga

teri surat teri chahat yaaden sab

chhoTe se is dil mein kya kya rakkhunga

wada hai tujh se main teri yaadon ko

mahshar ki ghaDiyon tak zinda rakkhunga

ek nazar tum dikh jao is chahat mein

kab tak un aankhon ko pyasa rakkhunga

'mit' yahan jo sapne sare bikhre hain

soch raha hun in ko bikhra rakkhunga