main khil nahin saka ki mujhe nam nahin mila
maiñ khil nahīñ sakā ki mujhe nam nahīñ milā
saaqī mire mizāj kā mausam nahīñ milā
mujh meñ basī huī thī kisī aur kī mahak
dil bujh gayā ki raat vo barham nahīñ milā
bas apne sāmne zarā āñkheñ jhukī rahīñ
varna mirī anā meñ kahīñ ḳham nahīñ milā
us se tarah tarah kī shikāyat rahī magar
merī taraf se ranj use kam nahīñ milā
ek ek kar ke log bichhaḌte chale ga.e
ye kyā huā ki vaqfa-e-mātam nahīñ milā
main khil nahin saka ki mujhe nam nahin mila
saqi mere mizaj ka mausam nahin mila
mujh mein basi hui thi kisi aur ki mahak
dil bujh gaya ki raat wo barham nahin mila
bas apne samne zara aankhen jhuki rahin
warna meri ana mein kahin KHam nahin mila
us se tarah tarah ki shikayat rahi magar
meri taraf se ranj use kam nahin mila
ek ek kar ke log bichhaDte chale gae
ye kya hua ki waqfa-e-matam nahin mila
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
