main khujuron-bhare sahraon mein dekha gaya hun
maiñ khujūroñ-bhare sahrāoñ meñ dekhā gayā huuñ
taḳht ke ba.ad tire paañv meñ dekhā gayā huuñ
dafn hotī huī jhīloñ meñ Thikāne haiñ mire
ḳhushk hote hue dariyāoñ meñ dekhā gayā huuñ
masjidoñ aur mazāroñ meñ mire charche haiñ
mandiroñ aur kalīsāoñ meñ dekhā gayā huuñ
lamha bhar ko mire sar par koī bādal aayā
kahne vāloñ ne kahā chhāñv meñ dekhā gayā huuñ
phir mujhe ḳhud bhī ḳhabar ho na sakī maiñ huuñ kahāñ
āḳhirī baar tire gaañv meñ dekhā gayā huuñ
vasl ke tiin sau terah meñ kahīñ huuñ maujūd
hijr ke mārka-ārāoñ meñ dekhā gayā huuñ
main khujuron-bhare sahraon mein dekha gaya hun
taKHt ke baad tere panw mein dekha gaya hun
dafn hoti hui jhilon mein Thikane hain mere
KHushk hote hue dariyaon mein dekha gaya hun
masjidon aur mazaron mein mere charche hain
mandiron aur kalisaon mein dekha gaya hun
lamha bhar ko mere sar par koi baadal aaya
kahne walon ne kaha chhanw mein dekha gaya hun
phir mujhe KHud bhi KHabar ho na saki main hun kahan
aaKHiri bar tere ganw mein dekha gaya hun
wasl ke tin sau terah mein kahin hun maujud
hijr ke marka-araon mein dekha gaya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
