main ki KHuddar tha Thahra na kisi chhanw tale

maiñ ki ḳhuddār thā Thahrā na kisī chhāñv tale

go ki raste meñ mile the ka.ī ashjār ghane

zehn vo shahr jahāñ nit nayā haijān rahe

dil vo bastī ki jahāñ ḳhvāb ugeñ dard pale

zindagānī ye tirī tez-ravī Thiik nahīñ

koī chehra to zarā der nigāhoñ meñ rahe

kab shab-o-roz ke hañgām ne mohlat baḳhshī

maiñ ne daurān-e-safar hī na.e ash.ār kahe

main ki KHuddar tha Thahra na kisi chhanw tale

go ki raste mein mile the kai ashjar ghane

zehn wo shahr jahan nit naya haijaan rahe

dil wo basti ki jahan KHwab ugen dard pale

zindagani ye teri tez-rawi Thik nahin

koi chehra to zara der nigahon mein rahe

kab shab-o-roz ke hangam ne mohlat baKHshi

main ne dauran-e-safar hi nae ashaar kahe