main kis liye hun main kya hun kyon aa gaya hun yahan

maiñ kis liye huuñ maiñ kyā huuñ kyoñ aa gayā huuñ yahāñ

ba-rū-e-ā.īna kab se khaḌā huuñ maiñ hairāñ

baḌī arīz-o-vasī.a hai bahut kushāda hai

hai tang-dastoñ pe phir tang kyoñ fazā-e-jahāñ

jhalak dikhā ke achānak sidhār jaatā hai

misāl-e-ḳhvāb hasīñ hai haqīqat-e-insāñ

maiñ sar nigūñ hī rahā ġhāyat-e-nadāmat se

palaT ga.ī mire paas aa ke rahmat-e-yazdāñ

chhupā.e baiThā huuñ maiñ jis ko dil ke pardoñ meñ

vo naqsh-e-ḳhvāb abhī tak hai māvarā-e-bayāñ

har ek dam meñ mire un kā dam bhī shāmil hai

ġham-e-jahāñ se ho kaise judā ġham-e-jānāñ

usī nazar usī shai ke haiñ muntazir ham to

kamān-e-yār se nikle jo par-fishāñ pechāñ

usī tabassum-e-shādāb kī tamannā hai

hilāl-e-lab se jo phūTe ḳhirāmāñ-o-raqsāñ

ajiib rang the bazm-e-nashāt-e-jānāñ ke

ajiib sog meñ haiñ intizār kī ghaḌiyāñ

baġhair un ke thī mumkin kahāñ guzar-auqāt

garāñ hai daulat-e-qārūñ se daulat-e-yārāñ

tamām nau ke nairañg us meñ haiñ 'az.har'

ġhazal tirī hai ki ā.īna-e-bahār-o-ḳhizāñ

main kis liye hun main kya hun kyon aa gaya hun yahan

ba-ru-e-aina kab se khaDa hun main hairan

baDi ariz-o-wasia hai bahut kushada hai

hai tang-daston pe phir tang kyon faza-e-jahan

jhalak dikha ke achanak sidhaar jata hai

misal-e-KHwab hasin hai haqiqat-e-insan

main sar nigun hi raha ghayat-e-nadamat se

palaT gai mere pas aa ke rahmat-e-yazdan

chhupae baiTha hun main jis ko dil ke pardon mein

wo naqsh-e-KHwab abhi tak hai mawara-e-bayan

har ek dam mein mere un ka dam bhi shamil hai

gham-e-jahan se ho kaise juda gham-e-jaanan

usi nazar usi shai ke hain muntazir hum to

kaman-e-yar se nikle jo par-fishan pechan

usi tabassum-e-shadab ki tamanna hai

hilal-e-lab se jo phuTe KHiraman-o-raqsan

ajib rang the bazm-e-nashat-e-jaanan ke

ajib sog mein hain intizar ki ghaDiyan

baghair un ke thi mumkin kahan guzar-auqat

garan hai daulat-e-qarun se daulat-e-yaran

tamam nau ke nairang us mein hain 'azhar'

ghazal teri hai ki aaina-e-bahaar-o-KHizan