main kis se puchhta ki bhala kya kami hui

maiñ kis se pūchhtā ki bhalā kyā kamī huī

thā shor jis galī meñ vahāñ ḳhāmushī huī

ik maiñ hī to nahīñ huuñ pareshān-o-pur-malāl

ai shaam tere saath bhī ab ke baḌī huī

mahfūz kar na pā.eñge dīvār-o-bām-o-dar

merī fuġhāñ huī ki vo terī hañsī huī

dīvār-e-jāñ girā ke hī niklegī yād-e-yār

ek meḳh jaise dil ke hai andar gaḌhī huī

khultī hī jā rahī hai girāñbārī-e-junūñ

zanjīr kyā hai paañv se mere bañdhī huī

ab dekhiye to kyā ye vahī chashm hai 'na.īm'

zambīl thī ki ḳhvāboñ se koī bharī huī

main kis se puchhta ki bhala kya kami hui

tha shor jis gali mein wahan KHamushi hui

ek main hi to nahin hun pareshan-o-pur-malal

ai sham tere sath bhi ab ke baDi hui

mahfuz kar na paenge diwar-o-baam-o-dar

meri fughan hui ki wo teri hansi hui

diwar-e-jaan gira ke hi niklegi yaad-e-yar

ek meKH jaise dil ke hai andar gaDhi hui

khulti hi ja rahi hai giranbari-e-junun

zanjir kya hai panw se mere bandhi hui

ab dekhiye to kya ye wahi chashm hai 'naim'

zambil thi ki KHwabon se koi bhari hui