main na kahta tha mere yar badal jata hai

maiñ na kahtā thā mire yaar badal jaatā hai

vaqt kitnā bhī ho dushvār badal jaatā hai

maiñ ne bas dil kī sunī varna tire baare meñ

log kahte the ḳhabar-dār badal jaatā hai

hākim-e-vaqt yuuñ maġhrūr na ban hosh meñ aa

piir aatā hai to itvār badal jaatā hai

tujh pe kaise ho yaqīñ mujh ko ki ab tū yaksar

apnā kahtā to hai har baar badal jaatā hai

ye nazākat ye dikhāvā ye takabbur achchhā

yā'nī daulat se bhī me'yār badal jaatā hai

dekhne vaalo haqārat se na dekho mujh ko

bhuuk se jism kā ākār badal jaatā hai

kyā batā.ūñ ki mohabbat ke safar meñ 'rāhī'

ġham to rah jaatā hai ġham-ḳhvār badal jaatā hai

main na kahta tha mere yar badal jata hai

waqt kitna bhi ho dushwar badal jata hai

main ne bas dil ki suni warna tere bare mein

log kahte the KHabar-dar badal jata hai

hakim-e-waqt yun maghrur na ban hosh mein aa

pir aata hai to itwar badal jata hai

tujh pe kaise ho yaqin mujh ko ki ab tu yaksar

apna kahta to hai har bar badal jata hai

ye nazakat ye dikhawa ye takabbur achchha

ya'ni daulat se bhi me'yar badal jata hai

dekhne walo haqarat se na dekho mujh ko

bhuk se jism ka aakar badal jata hai

kya bataun ki mohabbat ke safar mein 'rahi'

gham to rah jata hai gham-KHwar badal jata hai