میں نے گھاٹے کا بھی اک سودا کیا
جس سے جو وعدہ کیا پورا کیا
اپنی یادیں اس سے واپس مانگ کر
میں نے اپنے آپ کو یکجا کیا
کاش اس پر چل بھی سکتا میں کبھی
عمر بھر ہموار جو رستہ کیا
صلح کا پیماں کیا ہر شخص سے
اور اپنے آپ سے جھگڑا کیا
عشق میں اک شخص کیا بچھڑا ظفرؔ
میں نے ہر پرچھائیں کا پیچھا کیا
مأخذ :
- کتاب : Mazhab e Ishq (Pg. 169)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
