maine kaha ki tajziya-e-jism-o-jaan karo
maiñ ne kahā ki tajziya-e-jism-o-jāñ karo
us ne kahā ye baat supurd-e-butāñ karo
maiñ ne kahā ki bahār-e-abad kā koī surāġh
us ne kahā ta.āqub-e-lāla-e-ruḳhāñ karo
maiñ ne kahā ki sarf-e-dil-e-rā.egāñ hai kyā
us ne kahā ārzū-e-rā.egāñ karo
maiñ ne kahā ki ishq meñ bhī ab mazā nahīñ
us ne kahā ki az-sar-e-nau imtihāñ karo
maiñ ne kahā ki aur koī pand-e-ḳhush-gavār
us ne kahā ki ḳhidmat-e-pīr-e-muġhāñ karo
maiñ ne kahā ham se zamāna hai sar-garāñ
us ne kahā ki aur ise sar-garāñ karo
maiñ ne kahā ki zohd sarāsar fareb hai
us ne kahā ye baat yahāñ kam bayāñ karo
maiñ ne kahā ki hadd-e-adab meñ nahīñ 'zafar'
us ne kahā na band kisī kī zabāñ karo
main ne kaha ki tajziya-e-jism-o-jaan karo
us ne kaha ye baat supurd-e-butan karo
main ne kaha ki bahaar-e-abad ka koi suragh
us ne kaha taaqub-e-lala-e-ruKHan karo
main ne kaha ki sarf-e-dil-e-raegan hai kya
us ne kaha aarzu-e-raegan karo
main ne kaha ki ishq mein bhi ab maza nahin
us ne kaha ki az-sar-e-nau imtihan karo
main ne kaha ki aur koi pand-e-KHush-gawar
us ne kaha ki KHidmat-e-pir-e-mughan karo
main ne kaha hum se zamana hai sar-garan
us ne kaha ki aur ise sar-garan karo
main ne kaha ki zohd sarasar fareb hai
us ne kaha ye baat yahan kam bayan karo
main ne kaha ki hadd-e-adab mein nahin 'zafar'
us ne kaha na band kisi ki zaban karo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
