main sab kuchh an-dekha karne lagta hun

maiñ sab kuchh an-dekhā karne lagtā huuñ

jab bhī us kā pīchhā karne lagtā huuñ

ḳhud ke shāne pe hī rakh detā huuñ sar

aise dil ko halkā karne lagtā huuñ

ḳhāmoshī jab zāhir hone lagtī hai

tab maiñ shor-sharāba karne lagtā huuñ

naqsh-e-dast milā hai aur na naqsh-e-pā

kin rāhoñ kā pīchhā karne lagtā huuñ

vaj.h-e-hijr-e-yār ye duniyā ho jaise

jis se dekho jhagḌā karne lagtā huuñ

sochā thā ki ishq nahīñ karnā hai ab

aur pahle se ziyāda karne lagtā huuñ

ammī sūkhī roTī yaad dilātī hai

jab maiñ paisa paisa karne lagtā huuñ

jhagḌā to shiddat se kar letā huuñ phir

pachhtāve meñ girya karne lagtā huuñ

khol hī letā huuñ yādoñ kā album maiñ

aur phir ronā-dhonā karne lagtā huuñ

sar se dast-o-pā kā kaam liyā maiñ ne

maiñ dīvāna kyā kyā karne lagtā huuñ

main sab kuchh an-dekha karne lagta hun

jab bhi us ka pichha karne lagta hun

KHud ke shane pe hi rakh deta hun sar

aise dil ko halka karne lagta hun

KHamoshi jab zahir hone lagti hai

tab main shor-sharaba karne lagta hun

naqsh-e-dast mila hai aur na naqsh-e-pa

kin rahon ka pichha karne lagta hun

wajh-e-hijr-e-yar ye duniya ho jaise

jis se dekho jhagDa karne lagta hun

socha tha ki ishq nahin karna hai ab

aur pahle se ziyaada karne lagta hun

ammi sukhi roTi yaad dilati hai

jab main paisa paisa karne lagta hun

jhagDa to shiddat se kar leta hun phir

pachhtawe mein girya karne lagta hun

khol hi leta hun yaadon ka album main

aur phir rona-dhona karne lagta hun

sar se dast-o-pa ka kaam liya main ne

main diwana kya kya karne lagta hun