Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main samjha jab jhalakta samne jam-e-sharab aaya

Riyaz Khairabadi

main samjha jab jhalakta samne jam-e-sharab aaya

Riyaz Khairabadi

maiñ samjhā jab jhalaktā sāmne jām-e-sharāb aayā

mirā muñh chūmne shāyad mirā mast-e-shabāb aayā

tire nāzuk se chehre par jahāñ rañg-e-itāb aayā

sabāhat ruḳh bol uTThī ki ruḳh zer-e-naqāb aayā

qayāmat uThtī rahtī hai yahāñ ye hai galī us

kahāñ pāmāl hone dil-e-ḳhāna-ḳharāb aayā

sar-e-turbat bhī ghoḌe par havā ke vo savār aa.e

qayāmat ham-ināñ aa.ī na dushman ham-rikāb aayā

hue hañgāma-hā-e-hashr kitne gosha-e-dil meñ

vo mere sāmne kuchh is adā se be-naqāb aayā

vo aa.e sair-e-dariyā ke liye to bujh ga.iiñ maujeñ

qadam se un ke apnī aañkh malne har habāb aayā

bahut bose liye haiñ maiñ ne un kāfir hasīnoñ ke

mazā aa.egā mujh ko bhī agar roz-e-hisāb aayā

takalluf bartaraf ai shaiḳh sohbat se ye aapas

mire aage sharāb aa.ī tire aage kabāb aayā

isī koshish meñ kaTtī hijr rāteñ huiiñ āḳhir

na un ke gesuoñ mere dil meñ pech-o-tāb aayā

ḳhayāl-e-yār ke sadqe ḳhayāl-e-yār hogā

tasallī mujh ko dene koī vaqt-e-iztirāb aayā

tirī nok qalam ne dil meñ gahre zaḳhm Daale haiñ

hazāroñ dashna-o-nashtar liye ḳhat javāb aayā

vo tasvīr aaj tak mahfūz hai chashm-e-tasavvur meñ

tire bachpan se jab aTkheliyāñ kartā shabāb aayā

nahīñ maujeñ haiñ ye sail-e-havādis ke tamāñche haiñ

use khānā paḌī muñh ubhar kar jab habāb aayā

barābar merī turbat ke kiyā hai dafn dushman ko

ye achchhā mere hisse meñ jahannum azaab aayā

kahīñ dāvat meñ kal ham aur vaa.iz paas baiThe the

koī le kar sharāb aayā koī le kar kabāb aayā

lahad par merī bhejā hai adū ko fātiha paḌhne

jo pahuñchāne savāb aayā vahī ban kar azaab aayā

jo aa.e bhī to ghoḌe par havā ke vo savār aa.e

adū bhī saath saa.e tarah thāme rikāb aayā

huā bint-e-inab se aqd is pīrāna-sālī meñ

mubārak ho mujhe saaqī buḌhāpe meñ shabāb aayā

nirāle haiñ yahī duniyā meñ tauba toḌne vaale

udhar saaqī 'riyāz' aa.e idhar jām-e-sharāb aayā

main samjha jab jhalakta samne jam-e-sharab aaya

mera munh chumne shayad mera mast-e-shabab aaya

tere nazuk se chehre par jahan rang-e-itab aaya

sabahat ruKH ki bol uTThi ki ruKH zer-e-naqab aaya

qayamat uThti rahti hai yahan ye hai gali us ki

kahan pamal hone tu dil-e-KHana-KHarab aaya

sar-e-turbat bhi ghoDe par hawa ke wo sawar aae

qayamat ham-inan aai na dushman ham-rikab aaya

hue hangama-ha-e-hashr kitne gosha-e-dil mein

wo mere samne kuchh is ada se be-naqab aaya

wo aae sair-e-dariya ke liye to bujh gain maujen

qadam se un ke apni aankh malne har habab aaya

bahut bose liye hain main ne un kafir hasinon ke

maza aaega mujh ko bhi agar roz-e-hisab aaya

takalluf bartaraf ai shaiKH sohbat se ye aapas ki

mere aage sharab aai tere aage kabab aaya

isi koshish mein kaTti hijr ki raaten huin aaKHir

na un ke gesuon ka mere dil mein pech-o-tab aaya

KHayal-e-yar ke sadqe KHayal-e-yar hi hoga

tasalli mujh ko dene koi waqt-e-iztirab aaya

teri nok qalam ne dil mein gahre zaKHm Dale hain

hazaron dashna-o-nashtar liye KHat ka jawab aaya

wo taswir aaj tak mahfuz hai chashm-e-tasawwur mein

tere bachpan se jab aTkheliyan karta shabab aaya

nahin maujen hain ye sail-e-hawadis ke tamanche hain

use khana paDi munh ki ubhar kar jab habab aaya

barabar meri turbat ke kiya hai dafn dushman ko

ye achchha mere hisse mein jahannum ka azab aaya

kahin dawat mein kal hum aur waiz pas baiThe the

koi le kar sharab aaya koi le kar kabab aaya

lahad par meri bheja hai adu ko fatiha paDhne

jo pahunchane sawab aaya wahi ban kar azab aaya

jo aae bhi to ghoDe par hawa ke wo sawar aae

adu bhi sath sae ki tarah thame rikab aaya

hua bint-e-inab se aqd is pirana-sali mein

mubarak ho mujhe saqi buDhape mein shabab aaya

nirale hain yahi duniya mein tauba toDne wale

udhar saqi 'riyaz' aae idhar jam-e-sharab aaya

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

Speak Now