main so raha tha aur koi bedar mujh mein tha

Himayat Ali Shayar

main so raha tha aur koi bedar mujh mein tha

Himayat Ali Shayar

MORE BY Himayat Ali Shayar

    maiñ so rahā thā aur koī bedār mujh meñ thā

    shāyad abhī talak mirā pindār mujh meñ thā

    vo kaj-adā sahī mirī pahchān bhī thā vo

    apne nashe meñ mast jo fankār mujh meñ thā

    maiñ ḳhud ko bhūltā bhī to kis tarah bhūltā

    ik shaḳhs thā ki ā.ina-bardār mujh meñ thā

    shāyad isī sabab se tavāzun mujh meñ hai

    ik mohtasib liye hue talvār mujh meñ thā

    apne kisī amal pe nadāmat nahīñ mujhe

    thā nek-dil bahut jo gunahgār mujh meñ thā

    main so raha tha aur koi bedar mujh mein tha

    shayad abhi talak mera pindar mujh mein tha

    wo kaj-ada sahi meri pahchan bhi tha wo

    apne nashe mein mast jo fankar mujh mein tha

    main KHud ko bhulta bhi to kis tarah bhulta

    ek shaKHs tha ki aaina-bardar mujh mein tha

    shayad isi sabab se tawazun sa mujh mein hai

    ek mohtasib liye hue talwar mujh mein tha

    apne kisi amal pe nadamat nahin mujhe

    tha nek-dil bahut jo gunahgar mujh mein tha

    Source:

    • Book: Junoon (Pg. 102)
    • Author: Naseem Muqri
    • Publication: Naseem Muqri (1990)
    • Edition: 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites