main tahi-dast mohabbat mein bhala kya deta

maiñ tahī-dast mohabbat meñ bhalā kyā detā

tere hisse se magar tujh ko ziyāda detā

zindagī tū ne baḌī der lagā dī varna

maiñ tujhe miltā tire gaal pe bosa detā

ba.az auqāt agar sher na hotā mujh se

us kī āñkhoñ kā ishāra mujhe misra detā

maiñ zamāne ko banātā to zamāne bhar ko

terī āñkheñ tirā chehra tirā lahja detā

tū Thahartā to koī hal bhī nikal saktā thā

saath chaltā na tire mashvara achchhā detā

tum ko lālach thī ḳhazāne kī so nākām hue

mujh se kahte to maiñ us ġhaar kā naqsha detā

itnā ḳhush thā vo bichhaḌte hue mujh se varna

paañv paḌtā maiñ use roktā samjhā detā

piiTh pīchhe se agar vaar na kartā 'sāhir'

apne dushman ke janāze ko maiñ kandhā detā

main tahi-dast mohabbat mein bhala kya deta

tere hisse se magar tujh ko ziyaada deta

zindagi tu ne baDi der laga di warna

main tujhe milta tere gal pe bosa deta

baz auqat agar sher na hota mujh se

us ki aankhon ka ishaara mujhe misra deta

main zamane ko banata to zamane bhar ko

teri aankhen tera chehra tera lahja deta

tu Thaharta to koi hal bhi nikal sakta tha

sath chalta na tere mashwara achchha deta

tum ko lalach thi KHazane ki so nakaam hue

mujh se kahte to main us ghaar ka naqsha deta

itna KHush tha wo bichhaDte hue mujh se warna

panw paDta main use rokta samjha deta

piTh pichhe se agar war na karta 'sahir'

apne dushman ke janaze ko main kandha deta