main teri chah mein jhuTa hawas mein sachcha hun

maiñ terī chaah meñ jhūTā havas meñ sachchā huuñ

burā samajh le magar dūsroñ se achchhā huuñ

maiñ apne aap ko jachtā huuñ be-hisāb magar

na jaane terī nigāhoñ maiñ kaisā lagtā hoñ

bichhā rahā huuñ ka.ī jaal ird-gard tire

tujhe jakaḌne kī ḳhvāhish meñ kab se baiThā hoñ

tū barf hai to pighal jā.egā tamāzat se

tū aag hai to maiñ jhoñkā tujhe havā kā huuñ

bikhar bhī jaa.e to mujh se na bach sakegā kabhī

tujhe sameT ke lafzoñ meñ bāñdh saktā hoñ

maiñ yuuñ bhī huuñ mujhe mālūm hī na thā 'nashtar'

samajh rahā thā bahut nek huuñ farishta huuñ

main teri chah mein jhuTa hawas mein sachcha hun

bura samajh le magar dusron se achchha hun

main apne aap ko jachta hun be-hisab magar

na jaane teri nigahon main kaisa lagta hon

bichha raha hun kai jal ird-gard tere

tujhe jakaDne ki KHwahish mein kab se baiTha hon

tu barf hai to pighal jaega tamazat se

tu aag hai to main jhonka tujhe hawa ka hun

bikhar bhi jae to mujh se na bach sakega kabhi

tujhe sameT ke lafzon mein bandh sakta hon

main yun bhi hun mujhe malum hi na tha 'nashtar'

samajh raha tha bahut nek hun farishta hun