main tha dil mein aur tanhai hui

maiñ thā dil meñ aur tanhā.ī huī

aaj kuchh zaḳhmoñ kī bharpā.ī hui

jis kī ḳhātir maiñ jagā thā hijr meñ

vo kahīñ thī ḳhvāb meñ aa.ī hui

maiñ huuñ dīvāna vahī phir baat hai

dard ne hai ruuh bhī khaa.ī hui

tere dāman kī havā hai ḳhuld sī

saañs hai phūloñ ne mahkā.ī huī

kuchh tasavvur ko suno kuchh ishq ko

aur kuchh merī ġhazal gaa.ī huī

zulmatoñ ke band kamre meñ yahāñ

tū mire andarūñ kī bīnā.ī huī

aql ko hai taaq par rakkhā huā

ishq ne hai chaal bahkā.ī huī

be-basoñ kī is adālat meñ 'murād'

aur kuchh ashkoñ kī sunvā.ī huī

main tha dil mein aur tanhai hui

aaj kuchh zaKHmon ki bharpai hui

jis ki KHatir main jaga tha hijr mein

wo kahin thi KHwab mein aai hui

main hun diwana wahi phir baat hai

dard ne hai ruh bhi khai hui

tere daman ki hawa hai KHuld si

sans hai phulon ne mahkai hui

kuchh tasawwur ko suno kuchh ishq ko

aur kuchh meri ghazal gai hui

zulmaton ke band kamre mein yahan

tu mere andarun ki binai hui

aql ko hai taq par rakkha hua

ishq ne hai chaal bahkai hui

be-bason ki is adalat mein 'murad'

aur kuchh ashkon ki sunwai hui