main tere shahr mein phirti rahi mari mari

maiñ tire shahr meñ phirtī rahī maarī maarī

kabhī gulshan kabhī sahrā kabhī vaadī vaadī

raah pur-peñch thī tanhā.ī thī añdhiyārā thā

bebasī kahtī rahī dasht meñ haadī haadī

uljhaneñ aur kasak ho ga.ī taqdīr mirī

ḳhānqāhoñ meñ bhī jhāñk aa.e haiñ jaalī jaalī

chhiḌ gayā phir dil-e-betāb par ik saaz nayā

ruḳh-e-hastī pe chhalakne lagī laalī laalī

jaane kaisī ye taḌap hai nahīñ rukne detī

jo thake mere qadam aah maiñ haarī haarī

ratjagoñ kā bhī asar hone lagā hai kuchh kuchh

surḳh rahne lagī āñkheñ mirī kaalī kaalī

husn hī husn thā aur jalve hī jalve har-sū

kāñpte hoñToñ se kahtī rahī vaarī vaarī

muntazir jis kī rahī us ne to dekhā bhī nahīñ

baaqī sab aa ke mile bazm meñ baarī baarī

us ke jaane ke tasavvur se bhar aa.iiñ āñkheñ

dil mirā lagne lagā ḳhud mujhe ḳhālī ḳhālī

main tere shahr mein phirti rahi mari mari

kabhi gulshan kabhi sahra kabhi wadi wadi

rah pur-pench thi tanhai thi andhiyara tha

bebasi kahti rahi dasht mein hadi hadi

uljhanen aur kasak ho gai taqdir meri

KHanqahon mein bhi jhank aae hain jali jali

chhiD gaya phir dil-e-betab par ek saz naya

ruKH-e-hasti pe chhalakne lagi lali lali

jaane kaisi ye taDap hai nahin rukne deti

jo thake mere qadam aah main haari haari

ratjagon ka bhi asar hone laga hai kuchh kuchh

surKH rahne lagi aankhen meri kali kali

husn hi husn tha aur jalwe hi jalwe har-su

kanpte honTon se kahti rahi wari wari

muntazir jis ki rahi us ne to dekha bhi nahin

baqi sab aa ke mile bazm mein bari bari

us ke jaane ke tasawwur se bhar aain aankhen

dil mera lagne laga KHud mujhe KHali KHali