main to maqtal mein bhi qismat ka sikandar nikla
Interesting Fact
The last couplet (maqtaa) is also inscribed on Faraz's gravestone.
maiñ to maqtal meñ bhī qismat kā sikandar niklā
qur.a-e-fāl mire naam kā aksar niklā
thā jinheñ zo.am vo dariyā bhī mujhī meñ Duube
maiñ ki sahrā nazar aatā thā samundar niklā
maiñ ne us jān-e-bahārāñ ko bahut yaad kiyā
jab koī phuul mirī shāḳh-e-hunar par niklā
shahr-vāloñ kī mohabbat kā maiñ qaa.el huuñ magar
maiñ ne jis haath ko chūmā vahī ḳhanjar niklā
tū yahīñ haar gayā hai mire buzdil dushman
mujh se tanhā ke muqābil tirā lashkar niklā
maiñ ki sahrā-e-mohabbat kā musāfir thā 'farāz'
ek jhoñkā thā ki ḳhushbū ke safar par niklā
main to maqtal mein bhi qismat ka sikandar nikla
qura-e-fal mere nam ka aksar nikla
tha jinhen zoam wo dariya bhi mujhi mein Dube
main ki sahra nazar aata tha samundar nikla
main ne us jaan-e-bahaaran ko bahut yaad kiya
jab koi phul meri shaKH-e-hunar par nikla
shahr-walon ki mohabbat ka main qael hun magar
main ne jis hath ko chuma wahi KHanjar nikla
tu yahin haar gaya hai mere buzdil dushman
mujh se tanha ke muqabil tera lashkar nikla
main ki sahra-e-mohabbat ka musafir tha 'faraaz'
ek jhonka tha ki KHushbu ke safar par nikla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
