main tujhse apni rafaqaton ka hisab likkhun

maiñ tujh se apnī rafāqatoñ kā hisāb likkhūñ

to āñkhoñ āñkhoñ hasīn rañgoñ ke ḳhvāb likkhūñ

bichhaḌ ke tujh se tujhī ko sochoñ tujhī ko chāhūñ

ki naam tere hī apne dil kī kitāb likkhūñ

na kuchh samajh meñ jo aa.e dil kī to ro paḌūñ maiñ

ki hijr meñ ye guzarte lamhe azaab likkhūñ

ye merī ḳhāna-ḳharābiyoñ pe savāl uTThe

chale bhī aao ki dahr ko maiñ javāb likkhūñ

hayāt apnī to ḳhushk pattī se ḳhushk-tar hai

kabhī to yuuñ hogā zindagī kāmyāb likkhūñ

udaas chehre pe yuuñ chamaktī hoñ merī āñkheñ

kabhī tabassum ke naam rañg-e-gulāb likkhūñ

main tujh se apni rafaqaton ka hisab likkhun

to aankhon aankhon hasin rangon ke KHwab likkhun

bichhaD ke tujh se tujhi ko sochon tujhi ko chahun

ki nam tere hi apne dil ki kitab likkhun

na kuchh samajh mein jo aae dil ki to ro paDun main

ki hijr mein ye guzarte lamhe azab likkhun

ye meri KHana-KHarabiyon pe sawal uTThe

chale bhi aao ki dahr ko main jawab likkhun

hayat apni to KHushk patti se KHushk-tar hai

kabhi to yun hoga zindagi kaamyab likkhun

udas chehre pe yun chamakti hon meri aankhen

kabhi tabassum ke nam rang-e-gulab likkhun