main tumhaara raha raat bhar

maiñ tumhārā rahā raat bhar

kasmasātā rahā raat bhar

tum ne dil ko jalāyā bahut

maiñ bujhātā rahā raat bhar

zaḳhm ubhre the tan par magar

maiñ chhupātā rahā raat bhar

jis ke aane kī ummīd thī

vo satātā rahā raat bhar

bas tumheñ bhūlne ke liye

ḳhat jalātā rahā raat bhar

tum se milnā bahut hai kaThin

so bhulātā rahā raat bhar

ḳhair-maqdam ko tere diyā

jagmagātā rahā raat bhar

ashk paanī nahīñ the magar

maiñ bahātā rahā raat bhar

dil meñ thā ek pakshī tirā

chhaTpaTātā rahā raat bhar

vo mujhe chāhtā thā bahut

maiñ banātā rahā raat bhar

maiñ hī huuñ terā ik ham-safar

ye jatātā rahā raat bhar

bas tujhe dekhne ke liye

kasmasātā rahā raat bhar

jis pe ham ko bahut thā yaqīñ

vo rulātā rahā raat bhar

ye to 'ādarsh' bhī nā huā

kaun aatā rahā raat bhar

main tumhaara raha raat bhar

kasmasata raha raat bhar

tum ne dil ko jalaya bahut

main bujhata raha raat bhar

zaKHm ubhre the tan par magar

main chhupata raha raat bhar

jis ke aane ki ummid thi

wo satata raha raat bhar

bas tumhein bhulne ke liye

KHat jalata raha raat bhar

tum se milna bahut hai kaThin

so bhulata raha raat bhar

KHair-maqdam ko tere diya

jagmagata raha raat bhar

ashk pani nahin the magar

main bahata raha raat bhar

dil mein tha ek pakshi tera

chhaTpaTata raha raat bhar

wo mujhe chahta tha bahut

main banata raha raat bhar

main hi hun tera ek ham-safar

ye jatata raha raat bhar

bas tujhe dekhne ke liye

kasmasata raha raat bhar

jis pe hum ko bahut tha yaqin

wo rulata raha raat bhar

ye to 'adarsh' bhi na hua

kaun aata raha raat bhar