main uske sitam sah ke duhai nahin deta

maiñ us ke sitam sah ke duhā.ī nahīñ detā

duniyā ko mirā dard dikhā.ī nahīñ detā

āzādiyāñ pāoge qafas toḌ ke varna

sayyād parindoñ ko rihā.ī nahīñ detā

kam-zarf ko ehsān kā ehsās nahīñ hai

varna mujhe is taur burā.ī nahīñ detā

būḌhe hue ye soch ke tum ghar meñ na baiTho

maañ baap ko ab beTā kamā.ī nahīñ detā

daulat se chukā detā hai insāf kī qīmat

munsif ko gunahgār safā.ī nahīñ detā

paa.ī haiñ jo sāñseñ bhī ġhanīmat inheñ jaano

ye naġhma bahut der sunā.ī nahīñ detā

paḌh letā hai chehroñ se 'anīs' aap ke jazbāt

kyā ġham hai jo kānoñ se sunā.ī nahīñ detā

main us ke sitam sah ke duhai nahin deta

duniya ko mera dard dikhai nahin deta

aazadiyan paoge qafas toD ke warna

sayyaad parindon ko rihai nahin deta

kam-zarf ko ehsan ka ehsas nahin hai

warna mujhe is taur burai nahin deta

buDhe hue ye soch ke tum ghar mein na baiTho

man bap ko ab beTa kamai nahin deta

daulat se chuka deta hai insaf ki qimat

munsif ko gunahgar safai nahin deta

pai hain jo sansen bhi ghanimat inhen jaano

ye naghma bahut der sunai nahin deta

paDh leta hai chehron se 'anis' aap ke jazbaat

kya gham hai jo kanon se sunai nahin deta