main us se baat karne ja chuka tha

maiñ us se baat karne jā chukā thā

magar vo shaḳhs aage jā chukā thā

mujhe dariyā ne phir uupar bulāyā

maiñ us kī had se nīche jā chukā thā

tire naqsh-e-qadam par chalte chalte

maiñ tujh se kitnā aage jā chukā thā

paḌhā.ī ḳhatm karke jab maiñ lauTā

koī afsar use le jā chukā thā

vo chalne ko to raazī ho ga.ī thī

magar jab maiñ akele jā chukā thā

sadā.eñ de rahā thā vo palaT kar

magar maiñ apne raste jā chukā thā

maiñ ḳhud ko rok bhī saktā thā 'tābish'

ki merā vaqt pīchhe jā chukā thā

main us se baat karne ja chuka tha

magar wo shaKHs aage ja chuka tha

mujhe dariya ne phir upar bulaya

main us ki had se niche ja chuka tha

tere naqsh-e-qadam par chalte chalte

main tujh se kitna aage ja chuka tha

paDhai KHatm karke jab main lauTa

koi afsar use le ja chuka tha

wo chalne ko to raazi ho gai thi

magar jab main akele ja chuka tha

sadaen de raha tha wo palaT kar

magar main apne raste ja chuka tha

main KHud ko rok bhi sakta tha 'tabish'

ki mera waqt pichhe ja chuka tha