main wo aatish-e-nafas hun aag abhi

maiñ vo ātish-e-nafas huuñ aag abhī

ḳhirman-e-barq meñ lagā dūñgā

rūTho mujh se na vo balā huuñ maiñ

ronī sūrat ko bhī hañsā dūñgā

tū uThā.e jo ḳhanjar-e-pur-ḳham

gardan apnī vahīñ jhukā dūñgā

aah se arsh ko hilā dūñgā

kuñgar-e-charḳh ko jhukā dūñgā

na chalo mujh se tum raqīboñ chaal

uñgliyoñ par tumheñ nachā dūñgā

vaqt rone ke āh-e-sozāñ se

dāman-e-abr ko jalā dūñgā

aage mere na sheḳhī maar ai shaiḳh

raat kā mājrā sunā dūñgā

aah ko merī be-asar na kaho

maiñ tamāshā abhī dikhā dūñgā

tum jo har roz kahte ho mar-mar

ek din mar ke bhī dikhā dūñgā

dūsre ko jo doge dil meñ bhī

dil ke naqsh-e-vafā miTā dūñgā

shaiḳh chal to sharāb-ḳhāne meñ

maiñ tujhe aadmī banā dūñgā

'mashriqī' de agar vo jām-e-sharāb

dil se ġham maiñ abhī miTā dūñgā

main wo aatish-e-nafas hun aag abhi

KHirman-e-barq mein laga dunga

ruTho mujh se na wo bala hun main

roni surat ko bhi hansa dunga

tu uThae jo KHanjar-e-pur-KHam

gardan apni wahin jhuka dunga

aah se arsh ko hila dunga

kungar-e-charKH ko jhuka dunga

na chalo mujh se tum raqibon chaal

ungliyon par tumhein nacha dunga

waqt rone ke aah-e-sozan se

daman-e-abr ko jala dunga

aage mere na sheKHi mar ai shaiKH

raat ka majra suna dunga

aah ko meri be-asar na kaho

main tamasha abhi dikha dunga

tum jo har roz kahte ho mar-mar

ek din mar ke bhi dikha dunga

dusre ko jo doge dil mein bhi

dil ke naqsh-e-wafa miTa dunga

shaiKH chal to sharab-KHane mein

main tujhe aadmi bana dunga

'mashriqi' de agar wo jam-e-sharab

dil se gham main abhi miTa dunga